1ܡܐܵܕܝܼܵܐ؛ ܐܵܚܘܿܢܘܵܬܝܼ̈ ܩܲܕܝܼܫܹ̈ܐ؛ ܕܫܘܼܪܸܟܠܵܘܟܼܘܿܢ ܒܩܪܵܝܵܐ ܕܡ̣ܢ ܫܡܲܝܵܐ؛ ܚܙܹܐܡܘܿܢ ܠܐܵܗܵܐ ܫܠܝܼܚܵܐ ܘܓܘܼܪܵܐ ܕܟܵܗܢܹ̈ܐ ܕܬܵܘܕܝܼܬܲܢ؛ ܝܼܫܘܿܥ ܡܫܝܼܚܵܐ؛ 2ܕܡܗܘܼܡܢܵܐ ܗ݇ܘܵܐ ܠܗ̇ܘ ܕܡܘܼܬܸܒܼܠܹܗ؛ ܐܲܝܟܼ ܕܐܘܼܦ ܡܘܼܫܹܐ ܒܟܠܹܗ ܒܲܝܬܹܗ. 3ܣܵܒܵܒ ܗ̇ܘ ܦܝܼܫܵܐ ܝܠܹܗ ܡܘܼܚܫܸܚܵܐ ܠܚܸܩܪܵܐ ܙܵܘܕܵܐ ܡ̣ܢ ܕܡܘܼܫܹܐ؛ ܕܵܐܟܼܝܼ ܕܒܘܼܫ ܪܵܒܵܐ ܝܠܹܗ ܐܝܼܩܵܪܵܐ ܕܒܵܢܝܵܢܹܗ ܕܒܲܝܬܵܐ ܡ̣ܢ ܒܸܢܝܵܢܹܗ. 4ܣܵܒܵܒ ܟܠ ܒܲܝܬܵܐ ܡ̣ܢ ܚܲܕَ ܐ݇ܢܵܫܵܐ ܟܹܐ ܦܵܝܸܫ ܒܸܢܝܵܐ؛ ܐܝܼܢܵܐ ܗ̇ܘ ܕܒܵܢܹܐ ܟܠ؛ ܐܲܠܵܗܵܐ ܝܠܹܗ. 5ܘܡܘܼܫܹܐ ܐܲܝܟܼ ܪܹܓܵܐ ܡܗܘܼܡܢܵܐ ܗ݇ܘܹܐܠܹܗ ܒܟܠܹܗ ܒܲܝܬܹܗ؛ ܠܣܵܗܕܘܼܬܵܐ ܕܐܵܢܝܼ ܡܸܢܕܝܼܵܢܹ̈ܐ ܕܝܼܗ݇ܘܵܘ ܗܕܝܼܪܹܐ ܠܸܦܝܵܫܵܐ ܗܘܼܡܙܸܡܹܐ؛ 6ܐܝܼܢܵܐ ܡܫܝܼܚܵܐ ܐܲܝܟܼ ܒܪܘܿܢܵܐ ܥܲܠ ܒܲܝܬܹܗ؛ ܘܒܲܝܬܹܗ ܐܲܚܢܲܢ ܝܼܘܵܚ؛ ܐܸܢ ܗܲܠ ܚܲܪܬܵܐ ܕܵܒܼܩܵܚ ܩܘܼܝܵܐ ܚܘܵܪܦܵܬܘܼܬܵܐ ܘܫܘܼܒܼܗܵܪܵܐ ܕܗܹܒܼܝܼܹܗ. 7ܣܵܒܵܒ ܕܵܐܟܼܝܼ ܕܐ݇ܡܸܪܹܐ ܪܘܼܚܵܐ ܕܩܘܼܕܫܵܐ؛ ܕܐܸܕܝܘܿ ܝܵܘܡܵܐ ܐܸܢ ܒܩܵܠܹܗ ܫܲܡܥܝܼܬܘܿܢ؛ 8ܠܵܐ ܡܲܩܫܝܼܬܘܿܢ ܠܸܒܵܬܵܘ̈ܟܼܘܿܢ ܐܲܝܟܼ ܒܡܲܟܪܲܒ݁ܬܹܗ؛ ܐܲܝܟܼ ܒܝܵܘܡܵܐ ܕܓ̰ܘܼܪܵܒܵܐ ܕܓܵܘ ܒܲܪܝܼܵܐ؛ 9ܐܲܝܟܵܐ ܕܓ̰ܘܼܪܒܸܢܘܿܢ ܒܵܒܵܘܵܬܵܘ̈ܟܼܘܿܢ؛ ܘܨܘܼܚܨܝܼܸܢܘܿܢ؛ ܘܚܙܹܐܠܗَܘܿܢ ܦܘܼܠܚܵܢܝܼ̈ ܐܲܪܒܥܝܼ ܫܸܢܹ̈ܐ. 10ܣܵܒܵܒ ܕܐܵܗܵܐ ܣܩܸܕܠܝܼ ܒܗ̇ܘ ܕܵܘܪܵܐ؛ ܘܐَܡܸܪܝܼ؛ ܕܵܝܸܡ ܟܹܐ ܚܵܠܸܛ ܠܸܒܵܝܗܝ؛ ܘܐܵܢܝܼ ܠܵܐ ܝܕܸܥܠܘܿܢ ܐܘܼܪ̈ܚܵܬܝܼ؛ 11ܕܵܐܟܼܝܼ ܕܝܡܹܠܝܼ ܒܟܲܪܒܝܼ؛ ܠܹܐ ܐܵܘܪܝܼ ܠܢܝܵܚܬܝܼ. 12ܗ݇ܘܹܡܘܿܢ ܗܸܫܝܵܪ؛ ܐܵܚܘܿܢܘܵܬܝܼ̈؛ ܠܵܐ ܗ݇ܘܹܐ ܕܗܵܘܹܐ ܓܵܘ ܐ݇ܢܵܫܵܐ ܡܸܢܵܘܟܼܘܿܢ ܠܸܒܵܐ ܕܠܵܐ ܗܲܝܡܵܢܘܼܬܵܐ؛ ܘܪܵܚܩܝܼܬܘܿܢ ܡ̣ܢ ܐܲܠܵܗܵܐ ܚܲܝܵܐ. 13ܐܸܠܵܐ. ܦܲܪܦܸܠܘܿܢ ܚܲܕَ ܒܗ̇ܘ ܐ݇ܚܹܪ݇ܢܵܐ ܟܠܵܝܗܝ ܝܵܘܡܵܢܹ̈ܐ؛ ܟܡܵܐ ܕܝܵܘܡܵܐ ܦܵܝܸܫ ܩܸܪܝܵܐ ܐܸܕܝܼܘ؛ ܕܠܵܐ ܐ݇ܢܵܫܵܐ ܡܸܢܵܘܟܼܘܿܢ ܦܵܝܸܫ ܡܘܼܩܫܝܼܵܐ ܒܚܸܠܛܘܼܢܝܘܼܬܵܐ ܕܚܛܝܼܬܵܐ. 14ܣܵܒܵܒ ܗَܘܹܐܠܲܢ ܫܵܪ̈ܝܼܟܹܐ ܕܡܫܝܼܚܵܐ؛ ܐܸܢ ܕܵܒܼܩܵܚ ܩܘܼܝܵܐ ܫܘܼܪܵܝܵܐ ܕܚܵܬܸܪܓ̰ܡܥܘܼܬܲܢ ܗܲܠ ܚܲܪܬܵܐ؛ 15ܕܵܐܟܼܝܼ ܕܝܼܠܹܗ ܐ݇ܡܝܼܪܵܐ؛ ܐܸܕܝܘܿ ܐܸܢ ܒܪܵܩܵܠܹܗ ܫܲܡܥܝܼܬܘܿܢ؛ ܠܵܐ ܡܲܩܫܝܼܬܘܿܢ ܠܸܒܵܘܵܬܵܘ̈ܟܼܘܿܢ ܐܲܝܟܼ ܕܒܡܲܟܪܲܒܬܵܐ. 16ܣܵܒܵܒ ܡܵܢܝܼ ܟܲܕ ܫܡܸܥܠܗَܘܿܢ ܡܘܼܟܪܸܒܠܘܿܢ ܐܸܠܹܗ؛ ܠܹܐ ܗ݇ܘܵܘ ܟܠܵܝܗܝ ܐܵܢܝܼ ܕܦܠܸܛܠܘܿܢ ܡ̣ܢ ܡܸܨܪܹܝܢ ܒܝܼܸܕ ܡܘܼܫܹܐ؛ 17ܘܒܐܲܝܢܝܼ ܣܩܸܕܠܹܐ ܐܲܪܒܥܝܼ ܫܸܢܹ̈ܐ؛ ܠܹܐ ܗ݇ܘܵܐ ܒܐܵܢܝܼ ܕܚܛܹܐܠܘܿܢ؛ ܘܓܲܪ̈ܡܵܝ ܢܦܸܠܘܿܢ ܓܵܘ ܒܲܪܝܼܵܐ؛ 18ܘܥܲܠ ܐܲܝܢܝܼ ܝܡܹܐܠܹܗ ܕܠܹܐ ܐܵܘܪܝܼ ܗ݇ܘܵܘ ܠܢܝܵܚܬܹܗ؛ ܐܸܠܵܐ ܥܲܠ ܐܵܢܝܼ ܕܠܵܐ ܡܘܼܨܝܸܬܠܘܿܢ؛ 19ܘܒܸܚܙܵܝܵܐ ܝܘܵܚ ܕܠܵܐ ܡܹܨܠܘܿܢ ܠܥܒܼܵܪܵܐ؛ ܣܵܒܵܒ ܕܠܵܐ ܗܘܼܡܸܢܘܿܢ.